Одмор во ШПАНИЈА - ТЕНЕРИФЕ - островот на вечното лето!

Поаѓање од аеродромот во Софија за Тенерифе. Пристигнување на аеродромот во Тенерифе. Трансфер до хотелот. Вечера. Ноќевање.

Појадок. Слободно време за плажа или туристичка програма по желба. 

По желба посета на Фламенко шоу.

Вечера. Ноќевање.

Појадок. Слободно време за плажа или туристичка програма по желба. 

Туристичка програма по желба: екскурзија до националниот парк Теиде“ (со услуга на англиски јазик): Ова е еден од најпосетуваните национални паркови во Шпанија и во светот, познат по невероватните глетки што го одземаат здивот. Во 2007 г. беше вклучен во списокот на светско културно и природно наследство на УНЕСКО. Поаѓање од Пуерто де ла Круз кон Агуамаса. Пауза кај карпестите формации „Маргарита де Пиедра“. Откако ќе стигнеме до националниот парк Теиде, ќе продолжиме кон Белата Планина до 2356 м. надморска висина. Продолжуваме до карпестите формации „Рокес де Гарсија“ и видиковецот во долината Уканка. Слободно време за одмор во локален ресторан со можност да го купите познатиот пчелен мед од костени или палми од реонот на вулканот. Потоа продолжуваме покрај Исања, каде што се наоѓа Центарот за атмосферски истражувања. Ќе стигнеме до панорамските локалитети „Тортата“, „Плоштадот на Злото“, „Фонтаните на Џоко“ и „Ортуњо“, ќе се спуштиме кон Есперанца. 

Вечера. Ноќевање. 

Појадок. Слободно време за плажа или туристичка програма по желба.

Факултативна туристичка програма: екскурзија до островот Гран Канарија вклучувајќи прошетка низ историскиот кварт Вегета, посета на аквариумот Поема дел Мар и дестилеријата за рум Ареукас (на англиски јазик): Поаѓање од Пуерто де ла Круз со ферибот до Пуерто де лас Ниевес, Гран Канарија. Кратка пешачка тура низ централниот дел на Лас Палмас - историскиот кварт Вегета: зградата Каса де Колон, во која се наоѓа Историскиот музеј на Канарските Острови, катедралата Санта Ана, „Лиетературниот агол“- центарот на општествениот и културниот живот во 19 век , „Каса Консисториалес“ и Атлантскиот центар за модерна уметност, градскиот пазар и познатата шопинг улица Тријана.

Следува посета на аквариумот „Поема дел Мар“, тематски парк во Пуерто де ла Луз. Отворен е во 2017 година, паркот ја претставува природата на островите: џунгла, плажи, брегови испреплетени со гребени и длабоко океанско дно. Дом на 350 морски и океански жители. Тој исто така го се наоѓа и најголемиот изложбен аквариум во налик на виножито. Продолжуваме со посета на дестилеријата „Ареукас“, запознавање со историјата, традицијата и технологијата на производство на рум „Ареукас“. Можност за разледување на најстариот подрум за рум во Европа, со 4308 буриња од американски даб (некои од нив потпишани од познати личности). Дегустација на рум и ликери. Враќање назад до островот Тенерифе.

*Можност за ручек во ресторанот на аквариумот „Поема дел Мар“, со импресивен поглед на морските длабочини и галеријата „Поема дел Мар“ од локалниот уметник Нестор де ла Торе.

*Мора да го носите пасошот со вас за да ви биде дозволено да се качите на фериботот до Гран Канарија.

Вечера. Ноќевање.

Појадок. Слободно време за плажа или туристичка програма по желба.

По желба: Еднодневен билет за посета на „Лоро парк“: „Лоро парк“ е тематски парк, лоциран во одморалиштето Пуерто де ла Круз на површина од 13,5 хектари. Тоа е атракција број еден на Тенерифе и затоа е задолжителна станица за секој посетител на Канарските Острови, вистински рај каде што можат да се видат различни егзотични растителни и животински видови. Првично бил создаден како парк само за папагали, па оттука и неговото име, но подоцна се претвора во најдобриот парк во Европа. Во него ќе можете да уживате во различните претстави кои се организираат - шоу со фоки, делфини и највпечатливото шоу со орки. Во паркот се наоѓа и најголемиот пингвинариум, кој на своите посетители им обезбедува клима од Антарктикот - во текот на денот паѓа снег со вкупна тежина од 12 тони.

*Посетата на паркот е индивидуална. Пред хотелот „Catalonia Las Vegas” 4* запира вовче, кое ги носи посетителите бесплатно на секои дваесет минути до влезот на „Лоро Парк“.

Вечера. Ноќевање.

Појадок. Слободно време за плажа или туристичка програма по желба. 

Туристичка програма по желба: полудневна екскурзија до Санта Круз (со услуга на бугарски јазик): Поаѓање за главниот град на островот Санта Круз, чиј центар е формиран од плоштадот "Ла Кандаларија" и плоштадот "Шпанија". Во близина на главниот град е единствената плажа со бел песок на островот -„Лас Тереситас“.

Вечера. Ноќевање.

Појадок. Слободно време за плажа или туристичка програма по желба. 

Туристичка програма по желба: целодневна екскурзија до островот Ла Гомера (со услуга на англиски јазик): Трансфер до кејот на Лос Кристијанос. Патување со фериброд до пристаништето Сан Себастијан - главниот град на островот Гомера, од каде започнува искачувањето до Националниот парк „Гарахонај“ - суптропска шума и биосферен резерват под покровителство на УНЕСКО. Пауза на видиковецот „Деголада Пераза“. Поаѓање преку националниот парк до населбите Лас Росас и Агуло - ручек во локален ресторан со демонстрација на традиционалниот за островот т.н. „начин на зборување со свиркање“. Враќање во Сан Себастијан. Слободно време за посета на Торе дел Конде и куќата на Коломбо. 

Вечера. Ноќевање.

Појадок. Трансфер до аеродромот. Поаѓање за Бугарија.