Барселона, Шпанија
Рамбла е најпознатата улица во Барселона, по која во продолжение на скоро 2 км. се наоѓаат многу кафичи, ресторанти, различни продавници и живи статуи. Таа започнува од пристаништето со споменикот на Кристофер Колумбо и завршува при најголемиот плоштад во градот - Каталонија. Името на улицата потекнува од арапскиот збор ''рамбла'' - канал, затоа што во минатото оттука поминувал канал, низ кој дождовната вода се влевала во морето. Денес Рамбла е разделена на неколку делови: Rambla del Mar – најблискиот дел до пристанишната зона, Rambla de Santa Monica – исполнета со улични уметници и сликари, Rambla del Centre со многубројни павилјони за списанија и водичи за патување, Rambla de les Flors, кој дел избилува со цвеќари, Rambla dels Ocells со продавачите на птици и мали домашни миленичиња и Rambla de Canaletes во близина на плоштад Каталонија. Во овој последен дел од улицата се наоѓа фонтаната "Font de Canaletes". Според легендата тој, кој ќе се напие вода од оваа фонтана, со сигурност повторно ќе се врати во градот. По оваа улица никогаш не е досадно - таа е жива во секое време од денот, и не можете да тврдите, дека сте ја посетиле Барселона, ако не сте се прошетале по неа.
