Берн, Швејцарија
Часовниковата кула во Берн (нем. Zytglogge) без сомнеж е еден од симболите на градот. Изградена е во 1218 г. како одбранбена кула во западниот крај на гланата улица основаниот во 1191 г. град Берн. Со секое следно раширување на градот, кое било можно само во насока кон запад, кулата се' повеќе се „приближувала“ кон центарот на Берн. Со текот на времето постепено ги губи функциите на одбранбена кула и била корситена со различни цели, вклучително и како затвор. Во почетокот на 15 век кулата е целосно разрушена од пожар. Изградена е доново од бернски песок, при кое ѝ е определена новата претставителна улога како часовникова кула.
